HISTORIA OM DET NYE NAMNET

Beskrivelse

Den intense historia om eit vennskap som rommar kjærleik og hat, beundring og sjalusi

Historia om det nye namnet byrjar der Mi briljante venninne sluttar, med at seksten år gamle Lila gifter seg med kjøpmannen Stefano Carracci. Lila innser at ho ikkje kjenner mannen ho har gifta seg med, og ho opplever ekteskapet som eit fengsel.

Ein sommarferie på Ischia blir ein erotisk vekkar for Lila, men samstundes set ho
vennskapet med Elena på ei alvorleg prøve. Livet til dei to venninnene held fram i kvar si retning. Studia fører Elena ut av det gamle livet, til ein annan by og eit anna miljø, medan Lila må ta eit val for å redde seg sjølv, og får livet snudd på hovudet.

Historia om det nye namnet er ein roman om to kvinners kamp for å realisere seg sjølv i 60-talets Italia, før ungdomsopprør og kvinnefrigjering. Ein roman om eit vennskap som rommar kjærleik og hat, beundring og sjalusi, men som er så sterkt at ingen av dei to kvinnene er heilt seg sjølv utan den andre.